Korrespodencë mes Heidegger dhe Hannah Arendt

Martin Heidegger i dërgon letër Hannah Arendt

 

27 shkurt 1925

Fort e dashur Hannah!

Cila të jetë vallë arsyeja që dashuria na shpërfaqet shumë herë më e pasur sesa tërë përvoja njerëzore dhe një gllabërim i ëmbël për tërë ata që kanë rënë në kurthin e saj? Sepse bëhemi ajo çka dashurojmë, duke mbetur në të njëjtën kohë vetvetja. Kjo është arsyeja përse herë pas here ndiejmë dëshirën e zjarrtë që ta falenderojmë me të tërë qenien tonë njeriun që dashurojmë; porse, në fund, dashur pa dashur vërejmë se kjo nuk mjafton aspak.
E vetmja mënyrë është të falenderojmë me tërë thelbin dhe thellësinë e vetvetes tonë. Dashuria e shndërron mirënjohjen në një përkushtim dhe vlerësim të vetvetes dhe, në të njëjtën kohë, në një besim pa kushte ndaj tjetrit. Kjo është edhe forma se si dashuria e dëndëson fuqimisht të fshehtën e saj…

I yti, M

Comments are closed.

Navigate